Alegiako Eskolako Bloga

Eskola baratzean Anek eta Iurgik ateratako irudiak.

BESTE BIDEO BATZUK

Marrokiarren jolasak eskolan bideoa Hitzak YouTuben sartuta.

2003ko Uztailaren 19an Alegiko txistularien (izaskun, Elena eta German) emanaldia.

Ikasturtearen hasieran baratzarekin nola hasi lanean ez bagenekien, joan den ostegunean eskolako ikasleek lehen barazkian aldatu zituzten. Orrialde honetan Alexek eta Marwanek ateratako argazkiak ikusteko esteka daukazue. Iñaki eta Eider irakasleek eta Txarlik, Eñaut eta Amaiurren aitak, lan bikaina egin dute eskola baratza martxan jartzeko.
Gainera, beste asmo bat ere badaukagu: konposta egitea. Horretarako beste guraso bat(zu)en laguntza ere izango dugu. Momentuz, Foru Aldundiak argitaratutako liburuxkaren kopia bat zitzilikatu dugu gure blogean, zuek ikusi eta ikasi nahi baduzue.
Foru Aldundiak daukan eredua, honako hau PDF formatoan, jarraitu esteka honi eta zabalduko zaizun orrialdean, abiatu Konpostajearen_eskuliburua.pdf lotura.

Azkenean hasi gara aurtengoz irrati saioekin. Azaroaren 9an 6.mailako ikasleek zabaldutako saioa grabatu eta blogean argitaratzeko aukera aztertu nahi izan dugu oraingoan. Horretarako, irrati kontrol mahaian hiru ikasle (Ane, Iurgi eta Marwane) aritu ziren ordenadorean saioa “harrapatuz”. Irakasleek Audacity programarekin editatu eta, azkenik, www.goear.com web gunea aprobetxatu dugu sortutako fitxategia sarean “zintzilikatzeko”.
Lehena denez, ikasleen txokoan eta alegiakoeskola.blogsome.com gunean jarri dugu lotura irrati saioa entzun ahal izateko. Hurrengoak alegiakoikasle.blogsome.com-en jarriko ditugu.
Behar bada, programa kargatu bitartean denbora pixka bat pasa beharko duzue ordenadorearen aurrean, baina merezi du.

Alexek eta Marwanek baratzari argazki batzuk atera zizkioten. Hurrengo asteetan beste lan batzuk ere osatuko dituzte eta hemen zuekin konpartitzeko aukera izango dugu.
Gustatuko litzaiguke Anek eta Iurgik grabatutako bideoa ere hemen azaltzea, baina esperientzia berria izango da eta debora pixkat hartuko digu.

Azken egunetan, eskola-kiroletan hasi berriak garenez, guraso batzuk galdetu digute trafiko araudiari buruz. Joan den irailean eskegi genuen agiri hau berritu egin dugu, eskura izan dezazuen.

2006-2007 ikasturtean, segurtasunarekin lotutako hainbat lan edo proiektu landu genuen. Bildu genuen informazioa etxeetara bidali genizuen, baina orain denen eskura jarri nahi izan dugu.

Jarraian ikusiko duzuen informazio orritxoan (irudian klikatu handiagoa ikusteko), adin gabeek autoan eserita nola joan behar duten zehazten digu.

Arautegia Eusko Jaurlaritzaren Herrizaingo Sailaren Trafiko Zuzendaritzak banatu zigun eta, bere baimenarekin, hemen edukiko dugu balio duen bitartean.

2007ko azaroaren 3an ospatutako bizikleta festako argazkia eskura dauzkagu gune honetan.