Alegiako Eskolako Bloga

Partaideak: Regina Sorarrain, Joseba Karrera, Patxi Rojo, Agurtzane Arsuaga, Elena Alustiza, Irma Tobar, Eider Amundarain eta Feli Mujika.

Guraso Elkarteak , abenduaren 12an egindako bileran jorratu ziren gaiak hauek izan ziren:

GURASO ELKARTETIK SORTUTAKO GAIAK:

1.Aralar Institutuko Guraso Elkartearen estatutuak aldatzeko edo egokitzeko proposamena:
Altzoko guraso elkarteko erabakia falta da. Gaurko bilerara ez da Altzoko guraso elkartetik inor azaldu, beraz, beraiek eskatu ziguten bezala, bihar duten bilerara joateko geratu gara 3 kide (Regina, Ioseba, Feli) . Gai honi buruzko azalpenak emateko asmoz.
Ordezkaritza Organo Goreneko bilera gainean daukagunez (abenduak 14), ez dugu gai hau hemen sartuko, hurrengoan baizik (ekainean). Herri guztien erabakia jasota edukitzea garrantzitsua delako.
Altzoko guraso elkarteko bileran erabakitakoa jaso dugu: gure proposamenarekin ados daudela eta ekainean izango duten gurasoen batzar orokorrean ere gai hau aztertzeko asmoa azaldu dute.

2.Abenduak 24 (Gabon kantak):
Aurreko urtetan bezala, haurrei hamaiketakoa ( txokolatezko ogitartekoa) eskeiniko zaie. Zehaztu ditugu erosi beharrekoak eta kide bat (Elena) arduratu da erosketak egiteko. Zehaztu ditugu beharrezkoak diren ogi eta txokolate kopurua.

10:15etan ogitartekoak prestatzeko eskolan geratu gara guraso elkarteko kideak (Joseba, Elena, Patxi, Irma, Eider eta Jesus).

Zehaztuta daude (gabon kantak):

• Entsegua: abenduak 21, arratsaldeko 15:30etan, eskolako patioan.
• Emanaldia: abenduak 24, goizeko 11:00etan, eskolako patioan.

3.- Ordezkaritza Organo Gorena:
Abenduaren 14an, arratsaldeko 16:00etan izango da bilera.

Bilerako gai zerrenda jaso dugu eta denon artean gaiak aztertu ditugu.

4.- Elkarbizitza Plana:
Elkarbizitza plana martxan dago pasa den ikasturtetik eta aurtengoan, irakasle, ikasle, guraso eta jantoki zein garraioko ordezkariekin osatutako batzorde bat (behatokia) sortu nahi da, ikastetxeko funtzionamendua gainbegiratuko duena. Batzorde horretan gurasoon parte hartzea ezinbesteko eta garrantzitsua da. Guraso parte hartzaile kopurua: 3-4 beharko dira .

Horri buruz hitz egiteko bilera bat antolatu da gurasoen artean. Eiderrek eta Reginak informatuko dute. Bilera-eguna: abenduak 15, osteguna, arratsaldeko 16:30etatik 17:30etara, kultur etxean. Umeentzako zaintza zerbitzua izango da.

Baita komentatu da ere, orainarteko izandako elkarbizitzako bileretan gurasoen partizipazioa eskasa izan dela eta bilerako deiarekin batera, orrian bertan, aukeratzeko ordutegi batzuk azalduko ditugu, gurasoek ordutegi egokia aukera dezaten, bileretan parte hartzeko.

6.- Guraso Elkarteari egindako axikimendurako eskaera:
Guraso elkarteko kide bati atxikimenduaren idatzia pasa diote Guraso Elkarteko Zuzendaritza batzordean erabakitzeko: Guraso Ellkarteko Zuzendaritza batzordeari ATXIKIMENDUA (ASHESION) eskatzen zaio datorren urtarrilaren 7an, Bilbon, egingo den mobilizaziorako “Egin dezagun eskubide guztiekin Euskal presoak Euskal Herrira ekartzeko”.

Egun horretan Guraso Elkarteko bileran bildutakoen gehiengoaren eritzia honako hau izan da: Guraso Elkarteak eskolako guraso guztien errrepresentazioa izanik, ezinezkoa dela guraso guztien izenean horrelako erabikirik hartu, gai horrekin lotuta, sentsibilizazio desberdinak daudela kontutan hartuta.

7. Euskara eguna :
Abenduaren 5ean eskolak antolatutako festa ospatu zen. Aurten ere, Guraso Elkarteak gaztainak eskeini zituen 15:30-16:00 bitartean, Joxe Luis eta Lukas laguntzarekin. Eskertza moduan, iaz emandako opari berberak ematea erabaki da.

Datorren urteari begira, erosi beharreko zenbat kilo gaztain eta haur bakoitzari eman beharreko kopurua zehaztuta geratu da.

HURRENGO BILERA: 2012ko URTARRILAREN 16AN ( (astelehena), 18:00etan.

Dakizuen bezala ELKARBIZITZA plana martxan dago gure eskolan pasa den ikasturtetik. Zenbait gurasok parte hartu genuen iaz egin ziren bileretan.

Zertarako da ELKARBIZITZA plan hori?
- Irakasle, ikasle, guraso eta begiraleen (garraioa, jangela…) artean harreman positiboak izateko
- Elkarbizitza osasuntsua sustatzeko.

Gurasook gure iritzia entzutea eta baloratzea nahi dugu. Ikastetxean hartzen diren erabakietan erantzukizuna eta partaidetza nahi dugu.

Orain irakasle, ikasle, guraso eta jantoki zein garraioko ordezkariekin osatutako batzorde bat osatu nahi da, ikastetxeko funtzionamendua gainbegiratuko duena. Batzorde horretan gurasoon parte hartzea ezinbestekoa eta garrantzitsua dela uste dugu. Horri buruz hitz egiteko bilera bat egingo dugu gurasoen artean:

EGUNA: abenduak 15, osteguna
ORDUA: 16:30etik 17:30era
LEKUA: kultur etxean

Nahi duenarentzat umeentzako zaintza zerbitzua eskainiko da edo haurtxo bat baduzu ez dago inongo eragozpenik bilerara berarekin etor zaitezen.
Ezin baduzu bilerara etorri eta zerbait adierazi nahi baduzu idatziz ere egin dezakezu. Idatzi nahi duzuna eta eman tutoreari.
Egun horretan zaintza zerbitzurik behar baduzu ikasle guztiei banatu zaien orria bete eta itzuli orria eskolara.

Bestalde…

Hemendik aurrera gurasoen artean antolatzen diren bilerak ze ordutan izatea nahiko zenuke? Hautatu ezazu hiru aukeretako bat eta itzuli banatu den orria eskolara.

15:00etatik 16:00etara
16:30etik 17:30era (umeentzat zaintzarekin)
18:00etatik 19:00etara (umeentzat zaintzarekin)

ELKARBIZITZAren inguruan egiten diren bileren berri hemendik aurrera blogean ere izango da.

ELKARBIZITZA PLANEAN PARTE HARTZEN ARI GAREN GURASOAK

Dakizuen bezala ELKARBIZITZA plana martxan dago gure eskolan pasa den ikasturtetik. Zenbait gurasok parte hartu genuen iaz egin ziren bileretan.

Zertarako da ELKARBIZITZA plan hori?
- Irakasle, ikasle, guraso eta begiraleen (garraioa, jangela…) artean harreman positiboak izateko
- Elkarbizitza osasuntsua sustatzeko.

Gurasook gure iritzia entzutea eta baloratzea nahi dugu. Ikastetxean hartzen diren erabakietan erantzukizuna eta partaidetza nahi dugu.

Orain irakasle, ikasle, guraso eta jantoki zein garraioko ordezkariekin osatutako batzorde bat osatu nahi da, ikastetxeko funtzionamendua gainbegiratuko duena. Batzorde horretan gurasoon parte hartzea ezinbestekoa eta garrantzitsua dela uste dugu. Horri buruz hitz egiteko bilera bat egingo dugu gurasoen artean:

EGUNA: abenduak 15, osteguna
ORDUA: 16:30etik 17:30era
LEKUA: kultur etxean

Nahi duenarentzat umeentzako zaintza zerbitzua eskainiko da edo haurtxo bat baduzu ez dago inongo eragozpenik bilerara berarekin etor zaitezen.
Ezin baduzu bilerara etorri eta zerbait adierazi nahi baduzu idatziz ere egin dezakezu. Idatzi nahi duzuna eta eman tutoreari.
Egun horretan zaintza zerbitzurik behar baduzu ikasle guztiei banatu zaien orria bete eta itzuli orria eskolara.

Bestalde…

Hemendik aurrera gurasoen artean antolatzen diren bilerak ze ordutan izatea nahiko zenuke? Hautatu ezazu hiru aukeretako bat eta itzuli banatu den orria eskolara.

15:00etatik 16:00etara
16:30etik 17:30era (umeentzat zaintzarekin)
18:00etatik 19:00etara (umeentzat zaintzarekin)

ELKARBIZITZAren inguruan egiten diren bileren berri hemendik aurrera blogean ere izango da.

ELKARBIZITZA PLANEAN PARTE HARTZEN ARI GAREN GURASOAK

Partaideak: Eider Zubillaga, Regina Sorarrain, Tere Vara, Larraitz Tobar, Ioseba Karrera, Patxi Rojo, Elena Alustiza, Maider Zabala, Mirari Beloki, Irma Tobar, Eider Amundarain eta Feli Mujika.

Guraso Elkarteak , azaroaren 10ean egindako bileran jorratu ziren gaiak hauek izan ziren:

A. ESKOLA KONTSEILUAREN IRAUNKORRETIK SORTUTAKO GAIAK:

1. Eskola-kirolak:
Aimar koordinatzaileak bere lana utzi eta, behin-behingoz, Monikak (Kultur etxeko arduradunak) hartu du eginkizun hau.

2. Jantokia:
Azken aldian gora-behera bat izan da sukalde-jantokian, bi langile kolektiboen artean.
Bi kolektiboen lan-hitzarmenetan oinarrituta, ikastetxeko arduradunak talde bakoitzaren lanak antolatzen saiatu dira, talde bakoitzari beren eginkizunak idatziz adieraziz.

3. 2010. ekitaldiaren ekonomi auditoretza:
Urriaren 18 eta 19an, 2010 ekitaldiko (urtarrila-abendua) diru kontuen auditoretza lanean jardun zen Donostiako enpresa bateko langile bat.
Emaitza ez da oraindik heldu ikastetxera. Iristen denean kopia bat utziko digute.

4. Baratza:
Irakasle taldetik Guraso Elkarteko arduradun bat izendatzeko beharra aipatu da, informazioa trukatzeko, eta proposamenak eta erabakiak adierazteko bidea erraztuko duena. Guraso elkarteko arduradunek baratza martxan jartzeko prestutasuna adierazi dute eta irakasleek taldeekin lanean hasteko gogoa.

5. Garbitzaileen ordutegi aldaketa:
Alegiako Udalak, 2011ko urtearen amaieran argitaratutako lehiaketa publikoan, ikastetxerako eman behar den ordutegia eguneko/langileko ordu erdi batean murriztea erabaki du. Ondorioz, garbitzaileen enpresako arduradunek beren lan ordutegia aldatzea erabaki dute, 16:00etatik 22:00etara finkatuz.
Ondorioz, bi “arazotxoei” aurre egin behar izan zaie: alde batetik, Haur Txokoko begiraleak alarma itzali behar du lanean hasterako, eta bestetik, garbitzaileek ezingo dituzte komunak /aldagelak astelehen goizean garbitu, Institutuko eskola-kiroletako neska-mutilek larunbatean erabili ondoren. Intxurre Elkarteko arduradunek aldagelak txukuntzeko asmoa adierazi dute.

6. Kuotak noiz kobratuko diren:
• Guraso elkarteko kuota: Azaroaren 14an kobratuko da.
• Kirolak-pilota kuotak: Abenduaren 2an .
• Materiala: Urtarrilaren 16an.

7. Pediatri Zerbitzua:
Larrialdi baten aurrean ikasle batekin anbulategira joateko beharra gertatzen denerako, pediatria zerbitzuaren ordutegiaren galdera egin dute irakasleek:
09:00-15:00 Alegiako anbulategian.
15:00-17:00 Tolosako anbulategian.

8. Banatu edo banatzeko oharrak:
• Ikasleen eskola espedientea osatzeko orria banatu eta jaso dituzte. Batzuena falta dira eta beste batzuena zuzentzeko daude.
• Eskola-autobus zerbitzua: Eskola-garraio zerbitzuaren erabiltzaileen koadroa osatzen saiatuko dira, egunero zein ikaslek autobusa hartu eta zeinek ez zerrendatuz. Egun, begiraleei zail egiten zaie egunero zeintzuk igo behar duten jakitea.
• Hezkuntza Sailaren iritziz, eskolatik etxera haur bakoitzak zeinekin joaten den jakin beharko litzateke. Aurrerago saiatuko dira kontrol orria osatzen.
• Haur Hezkuntzako jolastokia ixteko ordutegiaz. Irakasleek berriro hitz egingo dute gaiari buruz, irtenbide bat bilatzeko asmoarekin. 16:00etan gurasoak patioan geratzen dira eta patio hori 16:00etan itxi egin behar da.

9. Sukaldeko hoditeria:
2010-2011 ikasturteak usainekin eta eltxo/elbiekin izandako arazoa errepikatu da azken hamabostaldian. Asteartean, azaroak 8, sukaldariek jakinarazi zuten “marmitaren” kanilatik berriro eltxoak eta usaina ateratzen zirela. Hezkuntza Saileko arduradunekin hitz egin zuen eskolak eta, egunean bertan, etorri zen abuztuan konponketetan jardundako langile bat. Arazoa aztertu, eta biharamunean konpontzera etorri zen. Oraingoan, arazoa kanilatik ateratzen den uraren tenperaturak sortu du (makarroiak egosteko erabilitako ur beroa ateratzerakoan), berotasunagatik hodia urtu/bigundu eta bere lekutik atera baitzuen. Hodia aldatu dute, orain artekoa baino sendoagoarekin ordezkatuz.

10. Organo Gorenaren bilera eguna (proposamena):

• Eguna: Abenduak 14 (asteazkena).
• Ordua: 16:00etan.

B. GURASO ELKARTETIK SORTUTAKO GAIAK:

1. Aralar Institutuko Guraso Elkartearen estatutuak aldatzeko edo egokitzeko proposamena:
Beste eskulekuetako erantzunak jaso ditugu. Honakoak izan dira:
• AMEZKETA: Guraso Elkarteko bi kide etorri dira bilerara. Adierazi dute gure proposamenaren ALDE daudela. Aipatu dute, Amezketako ikasle kopurua datozen urteetan ugariagoa izango dela eta orduan agian interesatuko zaiela elkartean egotea. Aukera izango dute boluntario moduan aurkezteko.
• ABALTZISKETA: Ezin izan dute bilerara etorri baina idatzia bidali dute bere aldeko erabakiarekin.
•IKAZTEGIETA: Ezin izan dute bilerara etorri baina jakinarazi digute alde daudela.
•ALTZO: Erantzuna falta da.

Organo Gorenerako (abenduak 14) erantzun guztiak jasotzeko geratu gara.

2. Eskola-kirola:
Kirol guraso arduradunak ohar batzuk adierazi dizkigu:

• Kiroletako materiala, jantziak e.a. orainarte Aimarren ardura ziren eta koordinatzaile kargua utzi duenez, erabaki da hauek gordetzen diren lokalaren garbiketa eta txukunketa sakon bat egitea (premia haundia baizegoen) eta aldi berean inbentario bat osatu da egun dauden gauza guztiekin. Horrela orain badakigu zer dagoen eta zer falta den eta zenbat. Monitoreak beren borondatez ere asko lagundu zuten eginkizun honetan eta eskertzekoa da.
• Eskola-kiroletako monitoreei zuzendutako ikastaroei buruzko informazioa iritsi da. 90 ordukoak dira (on-line). Bi txanda daude. 45 orduko formazioa eta beste 45 ordu praktikak. Prezioa: 100 euro. Bukaeran, %50 itzuliko da, aprobetxamenduaren arabera. Izen-ematea: azaroaren 4tik 20ra arte. Interesgarria iruditu zaigu eta parte hartzera motibatzeko guztion adostasunez erabaki da beka bat ordaintzea (25 €koa) ikastaroa ondo amaitu duenari. Kirol arduraduna, egun dauden monitore guztiei (9) informazioa emateko geratu da.
• Monitore batek honako eskaera egin du: bere ikasketekin lotutako praktikak aurten eskola-kirolaren bidez Aimarrekin egin behar zituen. Baina hau joan denean, bere praktikak airean geratu dira eta galdetzen du ea Guraso Elkartearen bidez al dituen egin. Kirol guraso arduraduna geratu da praktikako eskolako irakaslearekin hitzegiteko .
• Azaroaren 19an, nesken partidua (Alegia) suspenditu egin da, Loatzoko festa dela eta.

3. Baratza:
Elkarteko kide bat geratu da enteratzeko diru-laguntzak lortzeko zein elkartetara jo dezakegun.

4. Eskulan tailerra:
Sekulako arrakasta izan du. 53 ume apuntatu dira eta 3 talde osatu dira (astelehena, asteartea eta osteguna). Hasiera: azaroak 14 (12 saio). Prezioa: 45 euro/ikasleko. Kobraketa bi epetan egingo da, lehenengoa azaroan eta bigarrena urtarrilean. Eskolak ez duela kobratuko adierazi digu, beraz, Guraso Elkarteak kobratuko ditu aipatutako kuotak. Kontu zenbakiak lortzeko eskolarekin koordinatuko gara. Bestalde, guraso kide batek komentatu du ikastaroan familia bateko 3 ume apuntatzen badira, kasu horietan, bi umeen kuotak kobratzea hiru ordez. Denak ados azaldu gara.

5. Euskara eguna:
Abenduaren 3an da eguna baina aurten larunbata tokatu denez, astelehenean, abenduak 5ean eskolak jai-berezia antolatu du, arratsaldean, kultur etxean. Programa zehaztu gabe dago.

6. Heriotzari buruzko hitzaldia:
Heriotzari buruzko hitzaldia azaroaren 17an (osteguna) zehaztu da. Hizlaria: Patxi Izagirre psikologoa. Ordua: arratsaldeko 18:00-20:00. Haur txikientzako zaintza eskeiniko da, DBHko ikasleek zainduta. Guraso interesatuek izena eman beharko dute aurretik.

7. Azaroak 25. Emakumeenganako indarkeriaren aurkako nazioarteko eguna:
Egun horrek duen garrantzia ikusita, eskolan ikasleekin gai hori jorratzeko egin ditzaketen lanak proposatuko ditugu, adibidez, LH-1,2,3 marrazkiak, ikurrak egin (puntu lila), lemak asmatu… eta LH-4,5,6 bertsoak, ipuinak, idazlanak…. Proposamena irakasleei jakinaraziko zaie.

HURRENGO BILERA: ABENDUAK 12 (astelehena), 18:00etan.

Iturri zahar Guraso Elkarteak heriotzari buruzko hitzaldi bat antolatu du gai honekiko interesa duten guztientzat.

- Nola agertu ume bati heriotza zer den?
- Familiako edo gertuko norbait hiltzen denean, zer egin? Nola jokatu umeekin? Eta ga zteekin?
- Ezer ez esan, ahal den neurrian ezkutatu, batez ere umeak txikiak direnean?
- Gezurren bat esan, umeak sufritu ez dezan?
- Den den azaldu ala galdetutakoari bakarri erantzun?
- Umeari berari utzi galderak egietan eta garbi erantzuten saiatu ?
- Natural jokatu, garrantzirik ez kendu, baina gehiegi ere ez eman?
- Emozioak erakustea ona al da? Ez al da hobe barruan gordetzea?
- Heriotzaren aurrean beldurra sentitzea normala al da?
- Horrelako egoera iritsitakoan ala aurretik landu behar da gaia etxean?

Inoiz horrelako galderarik egin baldin badiozu zeure buruari, edo zer erantzun zalantzan baldin bazaude edo, besterik gabe, gaia interesgarria iruditzen baldin bazaizu, Patxi Izagirre psikologoa etorriko da Alegiara hainbeste landu duen gaiaz gurekin hitz egitera.

LEKUA: Kultur etxea
EGUNA: 2011ko azaroaren 17a, osteguna
ORDUA: arratsaldeko 6etatik 8ak arte

“Gure gizartean ez da heriotzaz ahitze egiten, tabua da; hala ere, gero eta gehiago etortzen dira psikologoengana laguntza eske”. Patxi Izagirre.

Nahi duten gurasoentzat umeak ondoko gelan uzteko aukera ere izango da, DBHko ikasleek zainduta. Horretarako guraso guztiei banatutako oharra bete eta eskolara bidali behar da.

Alegiako eskolako Iturri zahar Guraso elkarteak tailer bat antolatu du.
NORENTZAT: 4 urtetik 12 urte bitartekoentzat
IRAUPENA: 3 hilabete
EGUNA: asteartea edo osteguna
ORDUA: 16:30etatik 18:00etara
(Eguna, ordua eta talde kopurua izena ematen dutenekin egingo den bileran erabakiko da)
PREZIOA: 15 € inguru hilean (izena ematen duten umeen arabera)

Tailerra emango dutuenei buruzko informazio gehiago: sormensena.blogspot.com

GURASO ELKARTEKO BILERA (2011-10-06)

Partaideak: Regina Sorarrain, Tere Vara, Agurtzane Arsuaga, Larraitz Tobar, Ioseba Karrera, Patxi Rojo, Elena Alustiza, Maider Zabala, Mirari Beloki, Ana Jauregi, Eider Amundarain eta Feli Mujika.

Guraso Elkarteak, urriaren 5ean egindako bileran jorratu ziren gaiak hauek izan ziren:

A. ESKOLA KONTSEILUAREN IRAUNKORRETIK SORTUTAKO GAIAK:

1. Ikasturte hasierako ebazpena:
Ale bat Guraso Elkarteko ordezkarioi eman zaigu.

2. 2011-2012 Ikasturtea:
a. 13 talde / 214 ikasle
b. Ikasturte hasieran lau alta (HH 5, LH 1, LH 4, LH 6) eta bost baja izan dira.
c. 20 irakasle + 2 lanaldi erdiko + logopeda + erlijio plantila daude, iaz baino irakasle erdia gutxiago.

3. Erlijio saioen aldaketa:
a. LH 1 = 2 SAIO
b. LH 2 = 2 SAIO
c. LH 3 / LH 4 = 2 SAIO
d. LH 5 / LH 6 = 2 SAIO
e. Irakasle berria: Nuria Jimenez.

4. 2010. Ekitaldiaren auditoretza:
Urriaren 18/19an 2010eko ekitaldiaren auditoretza pasatzera etorriko da Hezkuntza Sailak kontratatutako enpresa bat.

5. Eskola 2.0:
Iazko 6. mailakoen ordenadoreak eskolan geratuko dira, aurtengo 5. mailakoentzat.

6. 2010-2011 Ikasturteko memoria:
Irakurtzeko epearen ondoren, ez da zuzenketa edo emendakinik egin. Memoria onartzea erabakitzen da.

7. 2011-2012 Ikasturteko plana:
Helburuak zehazteko daude. 2010-2011 ikasturteko eredua jaso dute guraso elkarteko ordezkariek.

8. Jantokia:
Momentuz, Haur eta Lehen Hezkuntzan txanda bakarrarekin hasi dira:
HH 2 URTE: 14 mahaikide
HH 3, 4 eta 5 URTE: 38 mahaikide
LH:66 mahaikide
DBH: 106 mahaikide (2 txanda)

9. Baratza:
2011-2012 ikasturterako asmoak.
Guraso Elkarteko arduradunek garbitu dute baratza.
Babarrunak eta artola biltzear daude. Arduradunak adieraziko dute zer egin.

10. Testu-liburuak:
Liburuak jaso eta ekasleen artean banatu dira. Arazorik gabe.
Ingelesa: 5. eta 6. mailan testu liburuekin arituko dira.

11. Guraso Elkartearen urteko kuotak:
Zehaztu beharra dago zenbateko kuota eta noiz pasako dugun. Guraso Elkarteko bileran erabaki da denon adostasunez 2011-2012 ikasturtean bai guraso elkartearen kuota bai kirol kuotak berdin mantentzea.

12. Prefabrikatuan izandako gora-beherak:
Udaran barruan sartu dira. Liburuak bota eta nahastu, plastikozko gauza batzuk erre, pixa egin eta liburuak puskatu dituzte.

13. Konponketak:
Aipatzekoa, konponketak egiteko udal langileen jarrera eta erantzun ona.
Udako konponketak (sukalde azpikoa): konpondu, garbitu eta desinfektatu dituzte. Lapiko handiaren “sifoia” eta hodia erorita zeuden, eta hondakin guztiak eraikin azpiko lurrera erortzen ziren.

14. Genero indarkeriari buruzko jardunaldiak:
Genero indarkeriari buruzko galdetegia pasa zen Alegian.
2010eko maiatzean bildu ziren bi ikastetxeetako, Udaleko eta Urtxintxa Taldeko ordezkariak eta genero indarkeriari buruzko jardunaldiak burutzea erabaki zuten.
Lehen Hezkuntzako talde bakoitzarekin bi orduko bina saio bideratuko dituzte Urtxintxa Taldeko ordezkariek.

IKASLEAK GELAKA:

HH 2 URTE A :13
HH 2 URTE B: 11
HH 3 URTE: 19
HH 4 URTE A: 12
HH 4 URTE B:12
HH 5 URTE:21
HH GUZTIRA:88

LH 1.A MAILA: 13
LH 1.B MAILA: 14
LH 2. MAILA: 23
LH 3. MAILA: 17
LH 4. MAILA:23
LH 5. MAILA: 19
LH 6. MAILA: 17
LH GUZTIRA 126

DENERA: 214

B. GURASO ELKARTETIK SORTUTAKO GAIAK:

1. Guraso Elkartearen 2010-2011 Diru kontuak:
Kontu hartzaileak 2010-2011 ikasturtearen diru kontuen berri ematen digu eta denon artean aztertzen dira.
Norbaitek informazio moduan ikusi nahi izan ezkero, elkartean aurkitzen dira.

2. Haur Txokoa:
Haur txokoaren arduradunak informatzen digu ordezko langileen zerrendan iadanik 3 pertsona aurkitzen direla, hautaketa fasean ordezkapenak egiteko gelditu zirenak dira. Beraz, oraingoz ordezkapenetarako deialdirik ez egitea erabakitzen dugu.

3. Aralar Institutuko Guraso Elkarteko zuzendaritzari egiteko proposamena:
San Juan eskola eta Aralar institutuko zuzendaritza eta klaustroa bateratzeko prozesuan daude baina hori gauzatu bitartean banaka moduan funtzionatzen dute. Hori horrela izanik, guraso askori gertatu zaie San Juan eskolan lau urte igaro ondoren, Aralarko institutuan berriro aukeratuak izatea.
Horregaitik pentsatu dugu Aralar Institutuko Guraso Elkarte zuzendaritzari honako proposamena luzatzea: estatutuak aldatu edota beste neurriren bat hartu, zuzendaritza batean egon dena (San Juanen), bestean (Aralarren) aukeratua izan ez dedin.
Hasteko, Abaltzisketa, Amezketa, Altzo eta Ikaztegietako herri eskoletako guraso elkarteen eritzia jasotzea erabaki da.

4. Arte edo eskulanetako ikastaroa:
Aurreko ikasturtean eskulan ikastaroak izan zuen arrakasta kontutan izanda, aurtengoan ere antzeko ikastaro bat antolatzea pentsatu dugu. Jaso dugun eskaintza bati buruz informazioa lortzeko geratu gara.

5. Gurasoentzako hitzaldi eta ikastaroak:
Baikaratik jaso dugu gurasoentzako hitzaldi eta ikastaroei buruzko informazioa. Hitzaldi bat oso interesgarria iruditu zaigu eta berari buruzko informazio gehiago lortzeko geratu gara.

6. Eskola kirola 2011-2012 ikasturtean:
Kirol arduradunak jakinarazi digu iadanik eskola kirol jarduerak martxan daudela.
Koordinatzailea: Aimar Martinez.
Duela gutxi (irailak 22) bilera bat egin zen kultur etxean. Aurtengo plangintzari buruz informatu zen eta bertan egutegiak, gurasoek sinatzeko baimenak etabar banatu ziren. Aipatzekoa da gurasoen partehartze haundia.
Datorren ikasturteari begira, gurasoei zuzendutako orrietan baita ordaindu beharreko kuotak azalduko ditugu.

HURRENGO BILERA: AZAROAK 10 (osteguna), arratsaldeko 18:00etan.

GURASO ELKARTEAK 2011EKO IRAILAREN 5EAN BURUTUTAKO BILERAREN AKTA
GURASO ELKARTEKO BILERA (2011/9/5)
Partaideak: Regina Sorarrain, Tere Vara, Feli Mujika, Irma Tobar, Patxi Rojo, Elena Alustiza, Mirari Beloki, Ana Jauregi, Agurtzane Arsuaga, Eider Zubillaga , Irma eta Eider Amundarain.
Guraso Elkarteak ekainaren 13an egindako bileran jorratu ziren gaiak hauek izan ziren:
A. GURASO ELKARTETIK SORTUTAKO GAIAK:
1. Haur Txokoa
Agurtzane Balerdik utzi egin du lana, udan eman zuen horren berri. Bere ordez Mila Agirrezabala hasiko da, orain arte bere ordezkapenak egin dituena. Mila Agirrezabala da 2008an eginiko aukeraketan Agurtzaneren ondoren geratu zena.
Ordezkapenak egiteko lehen apuntatu zirenak prest ote dauden galdetuko da.
2. Eskulan tailerra.
Kide batek sormensena taldeak proposatutako arte- eskulan tailerra antolatzea proposatu du. Informazioa banatu da eta hurrengo bileran hitz egingo da zehatzago.
3. IGE
San Juan eskolako Guraso Elkartean egon ondoren guraso askori Aralar institutuko Guraso Elkarteko kide izatea tokatzen zaie. Hau eragozteko modua omen da DBHko estatutuak aldatzea. Lehenengo pausu bezala beste LHko eskoletako Guraso Elkarteei idatziko zaie gure proposamenaren berri emateko. Horretarako idatzi bat egingo da hurrengo bilerarako.
Hurengo bilera: urriak 6, osteguna

Hemen dituzue eskola kiroleko ikasturte amaierako beste argazki batzuk:

GURASO ELKARTEKO BILERA (2011/6/13)

Partaideak: Regina Sorarrain, Tere Vara, Feli Mujika, Irma Tobar, Patxi Rojo, Elena Alustiza, Mirari Beloki, Ana Jauregi, Agurtzane Arsuaga, Eider Zubillaga , Larraitz Tobar, Joseba Karrera eta Eider Amundarain.

Guraso Elkarteak ekainaren 13an egindako bileran jorratu ziren gaiak hauek izan ziren:

A. ESKOLA KONTSEILUAREN IRAUNKORRETIK SORTUTAKO GAIAK:

1. Eskolako egutegia. 2011-2012
Gurasoen aldeko aurtengo proposamena berandu iritsi da. Hurrengo ikasturterako, proposamenik egotekotan, komeni da maiatzaren lehen hamabostaldirako egitea, 2012-2013 ikasturteko egutegia egiterakoan kontuan izateko.
2. Ikasturte amaierako festa
Irakasleen aldetik proposamena egin zen ostiral arratsalde/ iluntzean festa egitekoa. Guraso Elkarteko kideen ustez larunbata egun aproposagoa da festa egiteko.
3. OOG bilera eguna.
Eguna: 2011ko ekainaren 22a, 16:00etan. Gai zerrenda:
- Diagnosi ebaluazioa: hobekuntzarako proposamena
- Ikasturte amaierako oharra: egutegia eta testu liburuak
- 2010-2011 ikasturteko plangintzaren memoria
- 2011eko kudeaketa ekonomikoa
- Bizikidetza plana 2011-2012 ikasturterako: Arau bertsuak eskolan eta etxean. Guraso irakasleen arteko harremanak. Behatokia: guraso, irakasle osatuta; 3. zikloko ikasleen proposamena bideratzeko aukera emango luke
- 2011-2012 ikasturterako zuzendaritza taldea.
Idazkaria: Iñaki Armendariz
Ikasketa burua: Asun Esnaola
Zuzendaria: Jokin Arregi
- Eskola baratzea eta eskola kirolen bilakaera 2010-2011 ikasturtean
- Norberak lekarkeena
4. Udako lanak
Psikomotrizitate gelako lanparak aldaketa ekainaren 14tik aurrera.
Jantokiko larrialdietako atetik ura sartu da zaparrada handiak bota dituenean. Sareta (rejilla) jarriko dute, hodi baten bitartez urak hartu eta kanpora botatzeko.
Sukalde azpiko hoditeriaren egoera. Udaleko aparejadorea lur azpiko hodien egoera aztertzekotan geratu zen.
5. 2011-2012 ikasturterako lanpostuen zerrenda
13 talde/tutore onartzen dira (HH 2 urteko 2 talde / HH 4 urteko 2 talde/ LH 1.go mailako 2 talde/ gainontzeko guztiek talde bana). Gainera, administrazio lanetarako irakasle erdiaren plaza ere sortzen da ikastetxean. Irakasle taldeen artean dauden aukerak aztertu dira. Haur Hezkuntzako irakasle taldearen proposamena, Haur hezkuntzako eraikinean talde guztiekin moldatzekoa izan da. Horretarako, ikastetxeko ordutegi eta espazioetara egokituz, 4 urteko ikasleak (24) eta tutoreak (2), tarte batzuetan banatuta (arratsaldeak, psikomotrizitate saioak, musika, ingelesa) eta beste batzuetan elkartuta.
6. Testu liburuak
Eusko Jaularitzak zehaztutako sistemarekin aurrera jarraitzen dugu (begira eranskin). Testu liburuak lau urterako erosi; ariketa liburuak, urtero aldatzen dira. Ikasleen gurasoek, urtero diru kantitate bat ordaindu behar dute. Ikastetxetik egiten zaio Elkar etxeari liburu eskaera eta irailean ikasleei banatzen zaizkie.

B. GURASO ELKARTETIK SORTUTAKO GAIAK:

1. Eskolako festa
Meriendarako iazko kantitate berdinak erosi ziren, herriko zenbait dendatan (ikusi iazko akta). Erositako gauza batzuk eskas geratu ziren. Horregatik kalkuluak egin dira eta datorren urterako kantitate hauek erostea komeniko litzateke:
- 216 kas laranja (9 kaxa)
- 150 ura
- 3kg txorixo panplona
- 12 pote nozilla
- 55 ogi handi
- 36 sagardo botila
- 250 patata zorro.
- 2 tira baso plastikozkok
Bestalde festarako egitarauko ekitaldietako bat adierazteko moduarekiko desadostasuna agertu dute guraso batzuk. Aurrez behin eta berriz adierazi zen nola nahi genuen baina gure eskaria ez zen kontutan hartu egitaraua idazterakoan. Jarrera honekin ez daude ados gurasoak. Datorren urtean berriro guk eskatu bezala adieraztea eskatuko da.

2. Pilota
Pilota klubeko arduraduna izan zen bileran, txikien (4 tik 8 urte artekoen) pilotari buruzko hastapenak nola izan ziren azaltzen. Datorren ikasturtetik aurrera “pilota ludoteka” eta “pilota hastapenak” deituko zaio.
Une puntual batzutan pilota klubak eta eskola kirolak kolaboratu zezaketela adierazi zen.

3. Jangelako greba
Eusko Jaularitzak zera jakinarazi du:
“Administrazioak erabaki du jantoki kuota osoa edo zati bat itzuli behar dela grEbaren ondorioak izan dituzten ikastetxeetan, eta itzuli ere kasu hauetan itzultzea:
1.- Jantoki zerbitzurik eskaini ez zaien jankideei kuota osoa itzuliko zaie.
2.- Jantoki zerbitzu hori eskaini baina hainbat arrazoi dela eta jantokira joan ez diren jankideei edo piknik zerbitzua edo antzeko eskaini zaienei. Kuota %50ean murriztuko zaie 2,8 euroko Kuota dutenei, hau da, 1,4€ murriztuko zaie eta 2 euro, berriz, 4ko kuota dutenei.
Salbuespen horietan baino ez da itzuliko jantoki kuota, eta ez beste inoiz.
Jantokiko beka duten ikasleei ez zaie inoiz ezer itzuliko.
Diru hori ekainean itzuliko da.”

4. Eskola kirola
Jada egin dira Jesus Mari Zulaikaren hitzaldia eta eskola kirolean parte hartuko duten gurasoekin bilera. Banatu dira entrenamendu ordutegiak, araudiak… Aurten kirol- batzordeak ahalegin handia egin du eskola kirolaren funtzionamendu eta antolamendua hobetzen. Horregatik espero da datorren urteetan orain artekoetan baino hobeto funtzionatuko duela.

5. Eskola kiroleko kuota
Egun ordaintzen den kuotarekin eskola kirola defizitarioa da. Guraso Elkarteak guraso guztiei kobratzen dien kuotatik hartzen da defizit hori ordaintzeko. Hau dela eta behartuta gaude kuota igotzera. Datorren ikasturtearen hasieran erabakiko da zenbateko igoera aplikatuko den.

6. Menbretea
Guraso Elkartearen izenean idazten diren idatzietarako menbrete bat egingo da.

7. Alegiako festak
Kultur Batzordeak urtero bezala laguntza eskatu dio Guraso Elkarteari festetako bi egunetarako: umeen bazkari zerbitzatzeko eta haur jaialdia antolatzeko. Guraso Elkarteko zenbait kidek izena eman zuten eta beste guraso guztiei ere oharra banatu zitzaien boluntarioak eskatuz. Ohar honen bidez 10 gurasok izena eman dute. Bakoitzari dagokion lana zein den adieraziz orri bat banatuko zaie guztiei.

Eusko Jaularitzak zera jakinarazi du:
“Administrazioak erabaki du jantoki kuota osoa edo zati bat itzuli behar dela grEbaren ondorioak izan dituzten ikastetxeetan, eta itzuli ere kasu hauetan itzultzea:
1.- Jantoki zerbitzurik eskaini ez zaien jankideei kuota osoa itzuliko zaie.
2.- Jantoki zerbitzu hori eskaini baina hainbat arrazoi dela eta jantokira joan ez diren jankideei edo piknik zerbitzua edo antzeko eskaini zaienei. Kuota %50ean murriztuko zaie 2,8 euroko Kuota dutenei, hau da, 1,4€ murriztuko zaie eta 2 euro, berriz, 4ko kuota dutenei.
Salbuespen horietan baino ez da itzuliko jantoki kuota, eta ez beste inoiz.
Jantokiko beka duten ikasleei ez zaie ioniz ezer itzuliko.
Diru hori ekainean itzuliko da.”

Pasa den maiatzaren 30ean Lusi Mari Zulaikaren hitzaldia izan zen eskolan gurasoentzat. “KIROLA BALIABIDE HEZITZAILE” izenburupean eman zuen hitzaldia eta azaldutako gaiak guztiz interesgarriak izan ziren. Bertaratu zen pertsona kopurua ordea ez zen oso handia izan, 17 lagu bildu ziren. Antolatzaileen ustetan partehartze hau eskasa da.

Zulaikak bi liburu oparitu zituen: “kirola egiteko 25 arrazoi” eta “Kirola egiteko 30 arrazoi“. Irakurri nahi dituen edonorentzat eskuragarri daude. Interesatuta baldin bazaude jarri harremanetan kiroletako arduradunen batekin edo Guraso Elkarteko kideren batekin.

Gaur , ekainak 4 larunbata, eskola kirolaren ikasturte amaiera ospatu dugu. Ekitaldi hau eskola kiroleko koordinatzaileak eta Guraso Elkarteko kiroleko arduradunek bultzatu dute.

Jende askok parte hartu du, baita eskola kirolean apuntatu gabe zeuden eskolako ikasleak ere.

Hasteko talde mistoez osatutako areto futboleko partidak jokatu dira. Ondoren geldialdi bat egin da eta umeek eta ez hain umeek eskola kiroleko koordinatzaileak eskainitako merienda dastatzeko aukera izan dute. Jarraian eskubaloiko partidak jokatu dira.

Azkenik, festari amaiera emateko, ikasleak jokatzeko irrikaz zeuden partida jokatu da, ikasle eta gurasoek elkarrin futbolean. Maila guztietako ikasleek jokatu dute eta ama batek egin ditu epaile lanak. Bi talde osatu dira, talde horia eta talde urdina. Garaipena talde urdinarentzat izan da 2-3 estu batekin. Azken partida honi buruz bi gauza azpimarratu nahi ditugu: alde batik talde bakoitzean zeuden gurasoen seme alabak aurkako taldean zeudela eta bestetik garaipena ez dela inondik ere garrantzizkoena izan, hainbat jokalarik bereizketarik gabe talde batean zein bestean jokatu baitute.

Ospakizunaren balantze oso positiboa egiten dugu. Oso giro ona egon da eta espero dugu honelako ekintzak errepikatzea etorkizunean ere.

GURASO ELKARTEKO BILERA (2011/5/9)

Partaideak: Regina Sorarrain, Tere Vara, Feli Mujika, Irma Tobar, Patxi Rojo, Elena Alustiza, Maider Zabala, Mirari Beloki, Ana Jauregi, Agurtzane Arsuaga eta Eider Amundarain.

Guraso Elkarteak maiatzaren 9an egindako bileran jorratu ziren gaiak hauek izan ziren:

A. ESKOLA KONTSEILUAREN IRAUNKORRETIK SORTUTAKO GAIAK:

1. Aurrekontua 2011ko ekitaldia
Irakasleek aurrekontuaren kopia bat eman dute Guraso Elkartearentzat. Nahi duenarentzat eskuragarri dago ikusteko.

2. Agenda 21
Irakasle taldeak Agenda 21 proiektuan parte hartzea erabaki du.
Eskolako Agenda 21 Ingurumen-hezkuntza programa bat denez, ingurumen-arazoen konponbidean parte hartzeko ezaguera, gaitasuna, jarrera, motibazioa eta konpromisoa garatzea da haren xede nagusia.
Bi alderdi:
- Ikastetxeko irakasle ordezkari bat bileretara joango da hilean behin. Bilera hauetan planifikatzen da ikasleekin egingo den lana eta materiala banatzen da.
- Diru laguntzak eskatzen dira ingurumen- hezkuntza ekipamenduetan egonaldiak egiteko eta ondarea ezagutzeko

3. Eskola baratza
Ikastaldeak joaten jarraitzen dute. Negutegiko letxuak eta zerbak jaso dituzte ikasleek eta berriak landatu. Babarrunak eta artoa ere ereiten ari dira talde batzuk.

4. Bizikletaz eskalada saiora
6. mailako ikasleek maiatzaren 19an Usabal Kiroldegira joan behar dute eskalada saioa egitera. Irakasleek joan etorria bizikletaz egitea pentsatu dugu.

5. Ikasturte amaierako festa
Ekainaren 11n egitea adostuta zegoen. Azken orduan ordea, irakasleek jaialdia ostiralera pasatzea proposatu dute. Guraso Elkarteak erantzun du larunbatean mantendu nahi dela. Gurasoen gehiengoari hobeto datorkie jaialdia larunbatean izatea eta jada jaialdi ondorenerako malabaristak kontratatuta daude.
Irakasleek egun horretarako frontoia eta musika ekipoa eskatu dituzte kultur etxean.
Ikasleen meriendarako erosketak Eider Zubillagak egingo ditu, iazko maiatzak 25eko aktan jartzen du zer eta zenbat erosi zen.
Oraindik ez dakigu Intxurreko zahagi ardoa egun berean izango ote den. Hori jakindakoan egingo da udaletxean mahaien eskaera.
Egun horretan Guraso Elkarteko kideak 14:30ean elkartuko dira eskolan ogi tartekoak prestatzeko.

6. 2011-2012 ikasturtea
Lan hitzarmenean agertzen diren ratioak (ikasleak/gelako) oinarritzat hartuz, datorren ikasturtean bikoizketak honako mailetan izango lirateke:
HH 2 urte: 23 ikasle (bikoizketa 19rekin)
HH 4 urte: 24 ikasle (bikoizketa 24 rekin)
LH 1.go maila: 26 ikasle (bikoizketa 26 rekin)
Plangintza ataleko arduradunarekin harremanetan jarri dira eskolatik gaiaz hitz egiteko, batez ere ikasgelekin arazoak izan daitezkeelako datorren ikasturtean. Erantzuna : oraindik erabakia hartu gabe dagoela baina Lakuan ezarritako irizpideen arabera, eta hauek gauzatzen badira, LH 1.go mailan talde bakarra onartuko dute.
Egoera honen aurrean Guraso Elkarteak zer egin ote daitekeen galdetuko du BAIKARAn.

7. Autobusak
Bidaiak segurtasun uhalarekin ari dira egiten.
Bestalde Guraso Elkarteak idatzi bat egin du Hezkuntzara bidaltzeko eskatuz Orendain eta Baliarraingo umeen garraioa egiten duten autobusak uhalarekin izan daitezela. Bide batez adierazi da beste irteera guztietan uhala duen autobusak erabiliko dira beti hemendik aurrera. Eskolako zuzendariak ere bidali zuen gai honi buruzko idatzia.

8. Marko hiru eleduna
Isabel Celaáren eskutitza iritsi zitzaion Guraso Elkarteari eta irakasleen iritzia eskatu zen. Irakasleen ustez sailak zabaldutako proposamena, Euskarari esleitutako orduen kaltean oinarritzen da.
Bestalde gaztelera behar bezala menperatzeko ikasle askok zailtasunak izaten dituzte. Hala azaldu zen diagnostikoan ere. Gai honi buruz gurasoek duten kezka adieraziko zaie irakasleei.

9. Txintxarri plazatik zebra bidea
Ez dago nahikoa ikusgarritasunik kalea zeharkatzerakoan. Udaletxera idatzi bat bidali zuen Guraso Elkarteak honi konponbidea emateko eskatuz.

10. Jangelako begiraleen greba
Haur eta Lehen Hezkuntzako begiraleek ez dute aurreko astean graberik egin, DBHko begiraleek asteartean graba egin zuten. 93 mahaikide garraiatu zeuden egun horretarako jantokian (garraiatu gabeek ez dute aukerarik greba egunean jantokian bazkaltzeko) begirale bakarrarekin bazkaltzeko. Horregatik, somolo ogitartekoa eta fruta ematea erabaki zen.

B. GURASO ELKARTETIK SORTUTAKO GAIAK:

1. Eskola kirola
Ekainean bi bilera izango dira, bata Zulaikaren hitzaldia eskola kirolari buruz eta bestea datorren urteko eskola kirolari buruzko informazioa emateko gurasoei. Datak oraindik zehazteko daude. Bi bilera horietan umeentzako zaintza eskainiko zaie gurasoei eta hala nahi duenak aurrez adierazi beharko du. Eskaera egon ezkero norbait bilatuko da zaintza hori egiteko. Jada prest daude araudia, datorren urteko ordutegiak, banatzeko aldizkaria…

2. HH 4 urtetik hasi eta 2. maila arteko haurrentzat pilota
Ikasle hauentzat eskaintzen den pilota jardueren egoera nola dagoen aztertu beharra dago. Hurrengo Guraso Elkarteko bilerara etortze eskatuko zaio Zabala-ri zenbait aspektu argitzeko.

3. Haur Txokoko langilearen eskaera
Haur Txokoko langileak baimen bat eskatu du ekainerako eta 3 astetan zehar ordezkoa egongo da.

4. Ikastaroak
Gurasoentzako ikastaroak antolatzeko ideia atera zen aurreko bileran. Argazki ikastaroa emateko ez da inor aurkitu. Guraso bat prest agertu da internetekin lotutako ikastaro edo tailerren bat emetako gurasoentzat. Hau datorren urtean izango litzateke.

5. Alegiako festak
Alegiako festetan, aurreko urteetan bezala, tailerrak eta jolasak antolatzea eskatu dio Festa Batzordeak Guraso Elkarteari. Guraso Elkarteak baiezkoa eman du. Egun horretan lan egiteko izena eman dute Mirari, Eider, Elena, Ana, Irma, Patxik. Iaz bezala boluntarioak ere eskatuko dira beste gurasoen artean. Materialei, jolasei eta erosketei buruz galdetuko zaio kultur etxeko dinamizatzaileari. Hurrengo bileran zehaztuko da dira xehetasun guztiak.

Hurrengo bilera: ekainak 13, astelehena, 18:00etan

Dakizuen bezala eskolako baratza berriro martxan dago. Ikasleak baratzara joan, barazkiak landatu, zaindu eta jasotzen dituzte. Jada hasi gara gure seme alabak etxera ekarritako letxugak eta azelgak dastatzen. Baratzak itxura ederra dauka, ikusi hemen argazki batzuk: